Nizami rayonunun Bəhruz Nuriyev küçəsində yerləşən beş binanın həyətində aparılan abadlıq işləri yarımçıq qalıb.

Sakinlərin Baku TV-yə bildirdiklərinə görə, təxminən üç ay əvvəl ərazidə söküntü və abadlıq işlərinə başlanılıb, lakin bir müddət sonra işlər dayandırılıb.

"Neçə aydır ki, bu vəziyyətdən əziyyət çəkirik. Üç ay əvvəl ərazidə, binaların fasadlarında işlərə başlanıldı. Amma iki aydır ki, heç bir iş görülmür. Binaların arasındakı asfalt örtüyü sökülüb, ərazi toz-torpaq içində qalıb. Payızda bura palçıq olacaq", - deyə sakin gileylənib.

Sakinlər məhəllədə yerləşən mərasim evinin fəaliyyəti ilə bağlı da narazılıqlarını ifadə ediblər. "Mərasimlər zamanı mərhumun yaxınları və qohumları gəlirlər, çox sayda avtomobil əraziyə toplaşır. Bu isə məhəllədə sıxlıq yaradır", - deyə sakin əlavə edib.

Oxşar xəbərlər

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

"Qızıl qaya" şadlıq evinin fəaliyyəti dayandırılıb

İlham Əliyev Səməd Vurğun adına Yaradıcılıq Evinin açılışında iştirak edib

Bakıda avtomobil təmiri sexinin fəaliyyəti dayandırılıb

İlham Əliyev Şuşanın Kiçik Qaladərəsi kəndində görülən işlərlə tanış olub və kəndə qayıdan sakinlərlə görüşüb - YENİLƏNİB