Şuşada Milli Musiqi Günü münasibətilə Üzeyir Hacıbəyovun ev-muzeyində tədbir keçirilib.

Bu barədə "Far.Az"a Şuşa Şəhəri Dövlət Qoruğu İdarəsindən məlumat verilib.

Qeyd olunub ki, Milli Musiqi günü münasibətilə əvvəlcə görkəmli bəstəkarın büstünün və heykəlinin önünə gül dəstələri və çələng qoyulub. Tədbir iştirakçılar həmçinin Üzeyir Hacıbəyovun güllələnmiş büstünə və tut bağındakı heykəlinin önünə də gül dəstələri düzərək xatirəsini ehtiram ifadə ediblər.

Daha sonra Üzeyir Hacıbəyovun ev-muzeyində tədbir keçirilib. Tədbirdə Şuşa rayonunda Azərbaycan Respublikası Prezidentinin xüsusi nümayəndəsi Aydın Kərimov, Milli Məclisin deputatı Polad Bülbüloğlu, Şuşa Şəhəri Dövlət Qoruğu İdarəsinin icraçı direktoru Tural Novruzov, Şuşa rayonundakı idarə və müəssisələrin rəhbərləri, Qarabağ universitetinin nümayəndənləri, Xüsusi Nümayəndəliyin və Qoruq İdarəsinin əməkdaşları, şəhər sakinləri iştirak ediblər.

Tədbir çərçivəsində dahi bəstəkarın əsərlərindən ibarət musiqi kompozisiyası da səsləndirilib.

Oxşar xəbərlər

Prezidentlər Şuşada Azərbaycanın tanınmış şəxsiyyətlərinin işğal dövründə güllələnmiş büstlərinə baxıblar

DTA tabeliyindəki qoruq və müəssisələrdəki yeniliklər təqdim olunub

Azərbaycan və BƏƏ prezidentləri Şuşada güllələnmiş heykəllərə baxıblar

İlham Əliyev və Sərdar Berdiməhəmmədov Şuşada Bülbülün ev-muzeyində olublar

Şuşada "Xarıbülbül" IX Beynəlxalq Musiqi Festivalı keçirilir