Göyçay və Kürdəmir Peşə Liseylərinin, həmçinin Balakən Dövlət Peşə Təhsil Mərkəzinin tikintisi ilə bağlı layihə-smeta sənədlərinin hazırlanmasına başlanılır.

BAKU.WS-in məlumatına görə, bunun üçün 769 min manat vəsaitin xərclənməsi nəzərdə tutulur.

Layihə çərçivəsində ilk mərhələdə təhsil müəssisələrinin yerləşəcəyi ərazilərdə topoqrafik planlama və mühəndis-geoloji axtarış işləri aparılacaq.

Daha sonra hər üç müəssisə üzrə baş plan, şəhərsalma əsaslandırılması, memarlıq-planlaşdırma və konstruksiya bölmələri hazırlanacaq. Eyni zamanda yeni təhsil obyektlərində rabitə və internet şəbəkələrinin qurulması üçün müvafiq layihələr də işlənəcək.

Yeni peşə təhsili müəssisələrinin yaradılması Göyçay, Kürdəmir və Balakən sakinlərinin peşə təhsilinə çıxış imkanlarını genişləndirə, gənclərin müasir şəraitdə ixtisas qazanmasına və əmək bazarının tələblərinə uyğun kadr hazırlığının gücləndirilməsinə şərait yaradacaq.

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər

İlham Əliyevin sədrliyi ilə dağ-mədən və metallurgiya sənayesinin inkişafına dair müşavirə keçirilib

SEVİNDİRİCİ XƏBƏR - Bu kəndlərdə yeni su şəbəkələrinin qurulması planlaşdırılır

Horadiz–Cəbrayıl–Zəngilan–Ağbənd yolunun tikintisi 95 % icra olunub