Azərbaycan Ordusunun əməliyyat (komando) briqadalarının ərzaq payı normaları müəyyənləşib.
APA-nın məlumatına görə, Nazirlər Kabineti bununla bağlı “Azərbaycan Respublikası Silahlı Qüvvələrinin, Azərbaycan Respublikasının qanunvericiliyinə uyğun olaraq yaradılmış başqa silahlı birləşmələrin və Azərbaycan Respublikası Daxili İşlər Nazirliyinin şəxsi heyəti üçün ərzaq payı normalarının və xidməti heyvanlarının yemləmə normalarının təsdiq edilməsi haqqında” qərarında müvafiq dəyişiklik edib.
Azərbaycan Ordusunun əməliyyat (komando) briqadalarının ərzaq payı Azərbaycan Respublikası Daxili İşlər Nazirliyinin xüsusi təyinatlı dəstələrinin ərzaq payı normalarına uyğun olacaq:
| Sıra №-si | Ərzaq məhsullarının adı | 1 nəfər üçün gündəlik ərzaq norması (qramla) |
| 1 | 2 | 3 |
| 1. | 1-ci növ buğda unundan bişirilmiş ağ çörək | 750 |
| 2. | 2-ci növ buğda unu | 10 |
| 3. | Müxtəlif yarmalar | 120 |
| 4. | Makaron məmulatları | 40 |
| 5. | Ət | 300 |
| 6. | Kolbasa | 30 |
| 7. | Balıq | 90 |
| 8. | Bitki yağı | 40 |
| 9. | Kərə yağı | 40 |
| 10. | İnək südü və ya qatılaşdırılmış şəkərli süd | 200 40 |
| 11. | Xama | 30 |
| 12. | Pendir | 20 |
| 13. | Toyuq yumurtası (ədədlə) | 1 |
| 14. | Şəkər | 70 |
| 15. | Xörək duzu | 20 |
| 16. | Cem (povidlo) | 20 |
| 17. | Çay | 2 |
| 18. | Təbii qəhvə | 2 |
| 19. | Müxtəlif ədviyyat (istiot, sarıkök, zəfəran və s.) | 0,3 |
| 20. | Xardal tozu | 0,3 |
| 21. | Dəfnə yarpağı və ya qurudulmuş göyərti | 0,3 |
| 22. | Sirkə və ya müxtəlif souslar | 2 |
| 23. | Tomat pastası | 6 |
| 24. | Kartof və tərəvəz, cəmi: | 940 |
|
| - kartof | 600 |
| - kələm | 120 | |
| - çuğundur | 30 | |
| - yerkökü | 40 | |
| - soğan | 50 | |
| - xiyar, pomidor, turşu, göyərti | 100 | |
| 25. | Təzə meyvə və yaxud meyvə şirəsi | 200 |
| 26. | Qurudulmuş meyvələr | 20 |
| 27. | Zeytun | 10 |
| 28. | Şokolad | 10 |
| 29. | Ləpə (qoz, fındıq, kişmiş) | 20 |
| 30. | Halva | 20 |
| 31. | Vitamin preparatı “Heksavit” | 1 |
Bu Norma üzrə dövlət hesabına Azərbaycan Ordusunun əməliyyat (komando) briqadalarının zabit, gizir, müddətdən artıq həqiqi hərbi xidmət və müddətli hərbi qulluqçuları təmin ediləcəklər.
