Prezident İlham Əliyev "Azərbaycan Respublikasının İnsan hüquqları üzrə müvəkkili (ombudsman) haqqında" Azərbaycan Respublikasının Konstitusiya Qanununda dəyişiklik edilməsi barədə Azərbaycan Respublikasının Konstitusiya Qanunu təsdiq edib.

BAKU.WS bu barədə President.az-a istinadən xəbər verir.

Azərbaycan Respublikası Konstitusiyasının 156-cı maddəsi rəhbər tutularaq qərara alınır:

"Maddə 1. "Azərbaycan Respublikasının İnsan hüquqları üzrə müvəkkili (ombudsman) haqqında" Azərbaycan Respublikası Konstitusiya Qanununun (Azərbaycan Respublikasının Qanunvericilik Toplusu, 2002, № 3, maddə 115 (Cild I); 2024, № 10, maddə 1109; 2025, № 10, maddə 886) 16-cı maddəsində aşağıdakı dəyişikliklər edilsin:

1.1. 16.1-ci maddədə "3060" rəqəmləri "12000" rəqəmləri ilə əvəz edilsin;

1.2. 16.1-1-ci maddə ləğv edilsin.

Maddə 2. Keçid müddəa

Bu Konstitusiya Qanunu qüvvəyə minənədək Azərbaycan Respublikasının İnsan hüquqları üzrə müvəkkilinə (ombudsmana) ödənilmiş vəzifə maaşı, əlavə, mükafat və digər ödənişlər onun bu Konstitusiya Qanunu ilə müəyyən edilən aylıq vəzifə maaşına daxil edilir.

Maddə 3. Bu Konstitusiya Qanunu 2026-cı il yanvarın 1-dən tətbiq edilir".

Oxşar xəbərlər

Prezident İlham Əliyev Bakı Enerji Həftəsinin rəsmi açılış mərasimində iştirak edib

Prezident Azərbaycanda sosial müavinətləri artırdı - FƏRMAN

Prezident İlham Əliyev TDT-yə üzv ölkələrin təhlükəsizlik üzrə rəhbər şəxslərini qəbul edib

Səbinə Əliyeva: Mina problemi fundamental insan hüquqlarının kobudcasına pozulmasıdır

Prezident Ərəb Koordinasiya Qrupuna üzv qurumların rəhbər şəxslərini qəbul edib