Parisdə Amerika bankına təşkil olunmuş, lakin qarşısı alınmış hücumun təşkilatçısı olmaqda şübhəli bilinən İraq vətəndaşı Türkiyədə saxlanılıb.

"Far.Az"un "Le Monde"yə istinadən məlumatına görə, saxlanılma barədə məlumatı ABŞ-nin Federal Təhqiqat Bürosu (FTB) fransız müstəntiqlərə verib.

Məhəmməd A.S. kimi tanınan şübhəli mayda saxlanılıb, lakin Fransa hakimiyyəti bu barədə yalnız iyulun sonlarında məlumat alıb.

FTB-nin məlumatına görə, o, Avropanın müxtəlif ölkələrində ABŞ və İsrail hədəflərinə qarşı 18 hücumun planlaşdırılmasında iştirak edə bilər. Müstəntiqlər həmçinin onun "Kataib Hizbullah" da daxil olmaqla radikal qruplarla əlaqələrini saxladığından şübhələnirlər.

Amerikanın hüquq-mühafizə orqanları hesab edirlər ki, İrana qarşı ABŞ və İsrailin hərbi əməliyyatlarına başladıqdan sonra şübhəli şəxsdən Avropada terror özəklərini aktivləşdirmək və cinayət aləmindən hücumçuları cəlb etmək tapşırılıb.

Oxşar xəbərlər

Prezident İlham Əliyev Əfv Sərəncamı imzalayıb

Vətən müharibəsində Qələbənin beşinci ildönümünə həsr olunmuş Hərbi parad keçirilib

Natura meyvə şirələri daha bir sosial layihənin təşkilatçısı oldu

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Mingəçevirdə qəza zamanı xilasetmə əməliyyatlarına dair təlim keçirilib