Pakistan hakimiyyəti müxalifətin keçmiş Baş nazir İmran Xanın azad olunmasını tələb edən etirazları fonunda Xayber-Paxtunxva əyalətində fövqəladə vəziyyət və qubernatorluq idarəsi elan edib.

"Report"un "Dawn" qəzetinə istinadən məlumatına görə, bu barədə ölkənin Prezident Administrasiyası bildirib.

Qərar hökumətin Pakistan Konstitusiyasının 232 və 234-cü maddələrinə uyğun olaraq keçirilən təcili iclasın yekunlarına əsasən qəbul edilib.

Bu müddəalar federal hakimiyyət orqanlarına xarici təcavüz və ya daxili iğtişaşlar təhlükəsi yarandıqda bölgəni idarə etmək üçün əlavə səlahiyyətlər qazanmağa imkan verir. Fövqəladə vəziyyət həmçinin müəyyən vətəndaş hüquq və azadlıqlarının müvəqqəti məhdudlaşdırılmasına imkan verir.

İclasın yekunlarına əsasən Baş nazir Şahbaz Şərifdən Prezident Asif Əli Zərdarinin fövqəladə vəziyyət elan etmək üçün konstitusiya səlahiyyətlərindən istifadə olunmasını tövsiyə etməsi istənilib.

Xayber-Paxtunxva əyalətində müxalif "Ədalət uğrunda Hərəkatı" Partiyası hakimiyyətdədir və onun tərəfdarları İmran Xanın azad edilməsi tələbi ilə etiraz aksiyaları keçirirlər.

Oxşar xəbərlər

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

Nazirlik sel təhlükəsi zamanı qorunmağın yollarını göstərdi

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib