İspaniyanın şimal-şərq və şərq bölgələrində yağan güclü yağışlar daşqına səbəb olub. Hadisə nəticəsində Barselona yaxınlığında bir qadın həyatını itirib.

BAKU.WS xəbər verir ki, Kataloniya Yanğınsöndürmə Xidmətinin məlumatına görə, Barselonanın şimalında yerləşən Kabrera-de-Mar şəhərində sel sularına düşən qadının meyiti tapılıb.

İspaniyanın Dövlət Meteorologiya Agentliyi Valensiya və Alikantenin bəzi ərazilərində qırmızı təhlükə xəbərdarlığı elan edib. Bildirilib ki, 24 saat ərzində yağıntının miqdarı bəzi yerlərdə hər kvadratmetrə 300 litri ötə bilər.

İspaniyanın Baş naziri Pedro Sançes fırtınadan zərər çəkən bölgələrdə vəziyyətin diqqətlə izlənildiyini bildirib. O, sakinləri ehtiyatlı olmağa və fövqəladə hallar xidmətlərinin göstərişlərinə əməl etməyə çağırıb.

Güclü fırtına Balear adalarına daxil olan İbiza adasında da hava nəqliyyatına təsir göstərib. Hava limanında bəzi reyslər ləğv edilib, digərləri isə başqa hava limanlarına yönləndirilib. Valensiyanın bir sıra ərazilərində isə bazar ertəsi günü tədris prosesi dayandırılıb.

Oxşar xəbərlər

Bakıda yanğın təhlükəli sexlərin fəaliyyətini dayandırıldı

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

Bakıda avtomobil şinləri satılan anbarın fəaliyyəti dayandırıldı

Nazirlik sel təhlükəsi zamanı qorunmağın yollarını göstərdi

Bakının mərkəzində əyləncə məkanının fəaliyyəti dayandırıldı