Rusiya Prezidenti Vladimir Putinin ABŞ Prezidenti Donald Trampın xüsusi nümayəndələri Stiv Uitkoff və Cared Kuşnerlə yaxın vaxtlarda görüşünün keçirilməsi gözlənilir.

"Report" Rusiya mediasına istinadən xəbər verir ki, bunu Rusiya prezidentinin mətbuat katibi Dmitri Peskov jurnalistlərə bildirib.

Onun sözlərinə görə, danışıqların əsas mövzuları xüsusi elçilərin Ukrayna və Avropa tərəfləri ilə təmaslarının yekunları, eləcə də digər vacib məsələlər üzrə mövqe mübadiləsi olmalıdır.

"Ümid edirik ki, yaxın vaxtlarda görüş təşkil etmək mümkün olacaq və amerikalı nümayəndələr, o cümlədən cənab Uitkoff özlərinin həm ukraynalılar, həm də avropalılarla təmasları barədə Prezident Putinə məlumat verə, eləcə də Vaşinqtonla Moskva arasında bir sıra mühüm mövzular üzrə qarşılıqlı mesajların mübadiləsini davam etdirə biləcəklər", - mətbuat katibi deyib.

Peskov qeyd edib ki, bu cür görüşlər çox vacib hesab olunur:

"Onlar hər dəfə vaxtında baş tutur, çox məzmunludur və biz amerikalı müzakirəçilərin vasitəçilik səylərini yüksək qiymətləndiririk".

Oxşar xəbərlər

Prezident İlham Əliyevin adından AQEM-in 7-ci Zirvə Görüşünün iştirakçılarının şərəfinə şam yeməyi verilib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2