Bolqarıstan 2027-ci ilin yazında Transxəzər Beynəlxalq Nəqliyyat Marşrutu (TBNM) vasitəsilə Mərkəzi Asiya və Avropa arasında nəqliyyat-logistika əlaqələrinin inkişafına yönəlmiş bağlantı məsələləri üzrə sammit keçirməyi təklif edir.

"Far.Az" xəbər verir ki, bu barədə Bolqarıstanın Baş naziri Rumen Radev Çinin xarici işlər naziri Van Yi ilə görüşünün yekunlarına dair "X" sosial şəbəkəsində yazıb.

Baş nazirin sözlərinə görə, Bolqarıstan iqtisadiyyat və bağlantı sahəsində konkret layihələr vasitəsilə Çinlə strateji tərəfdaşlığı inkişaf etdirməyə hazırdır. Xüsusilə, tərəflər elektromobil istehsalı, energetika və kənd təsərrüfatına Çin investisiyalarının cəlb edilməsi imkanlarını müzakirə ediblər.

Radev qeyd edib ki, 2019-cu ildə Çin sədri Si Cinpinlə birgə imzalanmış Strateji Tərəfdaşlıq haqqında Bəyannamə ikitərəfli münasibətlərin inkişafında mühüm mərhələ olub.

"2027-ci ilin yazında Bolqarıstanda bağlantı məsələləri üzrə keçiriləcək sammit hökumətin təşəbbüsü ilə təşkil olunur. Onun məqsədi Transxəzər Beynəlxalq Nəqliyyat Marşrutu vasitəsilə Mərkəzi Asiya və Avropa arasında nəqliyyat-logistika əlaqələrinin inkişaf etdirilməsidir. Öz strateji mövqeyi sayəsində Bolqarıstan Asiyadan Avropaya "qapı" rolunda çıxış edərək, bu layihələrdə əsas yer tutur və nəqliyyat, enerji və rəqəmsal bağlantının genişləndirilməsinə kömək edir", - baş nazir yazıb.

Oxşar xəbərlər

Prezident İlham Əliyevin adından AQEM-in 7-ci Zirvə Görüşünün iştirakçılarının şərəfinə şam yeməyi verilib

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib