Pekin artıq əlverişli şəraitdə Şençjendə Asiya-Sakit Okean İqtisadi Əməkdaşlığı (APEC) sammiti çərçivəsində baş tuta biləcək Rusiya, ABŞ və Çin arasında mümkün görüşün hazırlığı ilə məşğuldur.

"Report" "İnterfaks"a istinadən xəbər verir ki, bu barədə Rusiya Prezidentinin köməkçisi Yuri Uşakov jurnalistlərə bildirib.

"Çinli dostlarımız, APEC sammitinin ev sahibləri bununla məşğul olacaqlar, daha doğrusu, artıq onun hazırlığı ilə məşğuldurlar və əlverişli şərait yarandıqda bizim çinli dostlarımız, əlbəttə ki, bu görüşü Şençjendəki tədbirlər proqramına daxil edəcəklər", - Uşakov deyib.

Onun sözlərinə görə, üçtərəfli sammitin keçirilməsi imkanı Rusiya Prezidenti Vladimir Putinin və ABŞ Prezidenti Donald Trampın nümayəndəsi Stiv Uitkoffun görüşü zamanı müzakirə olunub. Bununla yanaşı, Rusiya Prezidentinin köməkçisinin qeyd etdiyi kimi, üç paytaxtdan heç biri bu ideyanı rədd etmir.

Üçtərəfli danışıqların mümkün gündəliyindən danışan Uşakov əlavə edib ki, Rusiya tərəfi bir sıra praktiki mülahizələr irəli sürüb.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Prezident İlham Əliyev Yaxın Şərq Sülh Sammitində iştirak edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN