Ötən həftə Azərbaycanda 186 ha meşə fondu torpağında meşə əkini və səpini işləri aparılıb, 136 900 ədəd ağac tingi əkilib, 358 640 çalaya müxtəlif ağac və kol cinslərinə aid toxum səpilib.

"Report"un məlumatına görə, bu barədə Meşələrin İnkişafı Xidmətinin rəisi Ramik Əşrəfov məlumat verib.

O qeyd edib ki, hazırda ölkənin bütün regionlarının meşə fondu torpaqlarının açıq və seyrək ərazilərində meşəbərpa tədbirləri davam edir və hər bölgənin iqlim şəraitinə uyğun Meşə Təsərrüfatı Mərkəzlərinin tinglik sahələrində yetişdirilən müxtəlif növ ağac tingləri əkilir, toxumlar səpilir.

Xidmət rəisinin sözlərinə görə, payız ağac əkini mövsümü başlayandan bugünədək ümumilikdə 615 ha meşə fondu torpağında meşəbərpa tədbirləri aparılıb, 637 mindən artıq ağac əkilib, çala səpin üsulu ilə 1 180 071 çalaya ağac və kol cinslərinə aid toxum səpilib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Masallı və Neftçalada növbəti toxum sərgi-satış yarmarkaları keçirilib

Ağsu və Zərdabda növbəti toxum sərgi-satış yarmarkaları keçirilib

Cəlilabadda mövsümün sonuncu toxum sərgi-satış yarmarkası keçirilib

Bakıda COP29-un Liderlər Sammitinin açılış mərasimi keçirilib - YENİLƏNİB-2