Xarakter göstərən bütün oyunçularıma təşəkkür edirəm.

"Report"un məlumatına görə, bunu "Sabah"ın baş məşqçisi Rimas Kurtinaytis "Sərhədçi"yə qarşı Azərbaycan Basketbol Liqasının VI turunun oyunundan sonra klubun mətbuat xidmətinə açıqlamasında deyib.

Təcrübəli mütəxəssis qələbə qazandıqları üçün sevincli olduqlarını bildirib:

"Qarşılaşmanın əvvəlində yaxşı çıxış etmədik. Bunun da səbəbi qısa müddət ərzində ardıcıl ikinci oyuna çıxmağımız idi. Bərpa üçün vaxtımız az oldu. Buna baxmayaraq, fasilədən sonra sürəti artıraraq aqressiv çıxış etdik və bunun sayəsində 19 xallıq fərqi aradan qaldırmağı bacardıq. Çətin, amma vacib qələbə oldu. Bütün oyunçularıma xarakter nümayiş etdirdiklərinə görə təşəkkür edirəm. Basketbolçularımızın "döyüşçü" keyfiyyətləri sayəsində biz bu görüşdə geridönüş etdik".

Qeyd edək ki, "Sərhədçi" - "Sabah" qarşılaşması ikincilərin 67:64 hesablı qələbəsi ilə yekunlaşıb.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

UEFA Avropa Liqası: "Qarabağ" "Ayaks"a məğlub olub - VİDEO - YENİLƏNİB-8

Klassik avtomobillərin yürüşü və sərgisi keçirilib

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2