Rəqəmsal İnkişaf və Nəqliyyat Nazirliyinin tabeliyindəki “AzInTelecom” MMC-nin yaratdığı SİMA yeni nəsil rəqəmsal imza tərəfdaş çevrəsini genişləndirməkdə davam edir. “SİMA İmza” vasitəsilə xidmətlərini rəqəmsallaşdıran növbəti qurum “Kredaqro” MMC Bank Olmayan Kredit Təşkilatl (BOKT) olub.

Artıq təcili kreditə ehtiyacı olan vətəndaşlar “Kredaqro” mobil tətbiqi üzərindən onlayn kredit müraciəti göndərə və müqaviləni “SİMA İmza” ilə imzalaya bilərlər. Bunun üçün əvvəlcə tətbiqdə qeydiyyatdan keçmək, daha sonra onlayn şəkildə kredit müraciəti göndərmək lazımdır. Müraciət bir neçə dəqiqə ərzində araşdırılacaq və təsdiqləndiyi halda müştəriyə onlayn şəkildə imzalaması üçün sənədlər təqdim olunacaq. Müştəri həmin sənədləri SİMA yeni nəsil rəqəmsal imza ilə onlayn şəkildə imzalamaqla vəsaiti özünə məxsus istənilən bank kartına köçürəcək. Bununla da vətəndaşlar heç yerə getmədən kredit əldə etmiş olacaqlar.

“Kredaqro” tətbiqindəki onlayn kredit müraciəti yalnız 500 manata qədər olan mikrokreditlərə şamil edilir. Sistem 24/7 rejimdə işlədiyindən vətəndaşlar günün istənilən saatında tətbiq üzərindən “SİMA İmza” vasitəsilə kredit müraciəti göndərə bilərlər.

SİMA rəqəmsal imza ilə vətəndaşların xidmət mərkəzlərindən asılılığına son qoyulur, xidmət göstərənlərin iş yükü və xərcləri azalır. SİMA yeni nəsil rəqəmsal imza ilə bağlı daha ətraflı məlumatı www.sima.az saytından və “157” Zəng Mərkəzi ilə əlaqə saxlayaraq əldə edə bilərsiniz.

Oxşar xəbərlər

“SİMA İmza” ilə olduğun yerdən mikrokredit əldə et

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

“MPAY” ödənişləri “SİMA İmza” ilə limitsiz və rahatdır!

Filiala gəlmədən "Yelo Mobil POS" xidmətinə qoşulun!

Filiala gəlmədən Yelo Mobil POS xidmətinə qoşulun