"Everton"un yeni baş məşqçisi müəyyənləşib

İngiltərənin "Everton" klubunun yeni baş məşqçisi müəyyənləşib.

"Report" klubun mətbuat xidmətinə istinadən xəbər verir ki, komandanın "sükanı arxasına" yenidən Devid Moyes keçib.

Əvvəllər də Liverpul təmsilçisində çalışmış D.Moyes "Everton"un ən uğurlu məşqçilərindən hesab olunur. O, 2002-2013-cü illər aralığında komandanı 500-dən çox matça çıxarıb.

Qeyd edək ki, mütəxəssis bir neçə gün öncə klubdan ayrılan Şon Dayçı əvəzləyib. "Everton" hazırda Premyer Liqanın turnir cədvəlində 17 xalla 16-cı pillədədir.