"Oskar" tarixində qalmaqallı görüntüləri ilə yadda qalan Uill Smitin prestiji sarsılmaqda davam edir.
Far.Az xarici KİV-ə istinadən xəbər verir ki, bu dəfə aktyorun həyat yoldaşı ilə birlikdə yaratdığı "The Will And Jada Smith Family Foundation" adlı xeyriyyə fondu bağlanır.
Buna səbəb quruma edilən ianələrin azalmasıdır. Büdcəsi aşağı olan xeyriyyə fondu yaxın zamanlarda tamamilə bağlanacaq.
2022-ci ildə keçirilən "Oskar"da Kris Roka sillə vuran Uillin imicinə çox ciddi zərbə dəydi.
Vergi hesabatları göstərir ki, hadisədən sonra yüksək məbləğdə ianələr edən şəxslər bu prosesi dayandırıblar və nəticədə fondun tamamilə bağlanması üçün şərait yaranıb.
