Tədbirin əsas şüarı iqtisadi inkişaf, beynəlxalq əməkdaşlıq və gələcək planlar üçün platforma təklif edən “Gələcəyə körpü”dür.
"Report"un Tbilisiyə ezam olunmuş əməkdaşının verdiyi məlumata görə, bunu Gürcüstanın paytaxtında Asiya İnkişaf Bankının (ADB) 57-ci illik toplantısı çərçivəsində ADB-nin Rəhbərlər Şurasının sessiyasında çıxış edən Gürcüstanın Baş naziri İrakli Kobaxidze deyib.
“Eyni zamanda, bu ifadə iqtisadi cəhətdən güclü gələcək yaratmaq üçün atdığımız hər bir addımı əks etdirir. Bizim yerləşdiyimiz unikal məkan bizə Avropanın bir hissəsi və İpək Yolunun əsas ölkələrindən biri olmağa imkan verir. Özümüzü mühüm Orta Dəhliz ölkəsi, təhlükəsiz və etibarlı alternativ bir dövlət kimi hesab edirik”, - İ.Kobaxidze bildirib.
Bundan əlavə, Baş nazir vurğulayıb ki, Gürcüstan Asiya investisiyalarını dəstəkləməyə davam edəcək.
