Qadın voleybolçular arasında Azərbaycan Yüksək Liqasının VIII turunda Bakıda iki, Gəncədə isə bir oyun baş tutub.

"Report" xəbər verir ki, turun ilk qarşılaşması Gəncə İdman Sarayında “Gəncə” və “Murov Az Terminal” komandaları arasında olub.

Görüş qonaqların 3:2 hesablı qələbəsi ilə başa çatıb. Turun digər qarşılaşmaları isə Gənclər və İdman Nazirliyinin Voleybol Mərkəzində təşkil olunub. Burada “Milli Aviasiya Akademiyası” komandası “Abşeron”la, “Azərreyl” klubu isə UNEC-lə üz-üzə gəlib.

Gərgin keçən “Milli Aviasiya Akademiyası” - “Abşeron” matçında qalib 4 setdə müəyyənləşib. “Milli Aviasiya Akademiyası” rəqibini 3:1 hesabı ilə məğlub edib.

Turun son qarşılaşmasında isə “Azərreyl” 3:0 hesabı ilə UNEC komandasına qalib gəlib.

Yüksək Liqa

28 yanvar

VIII tur

“Gəncə” - “Murov Az Terminal” 2:3 (18:25, 25:18, 20:25, 26:24, 10:15)

“Abşeron” - “Milli Aviasiya Akademiyası” 1:3 (18:25, 28:26, 25:27, 22:25)

“Azərreyl” - UNEC 3:0 (25:9, 25:11, 25:15)

Qeyd edək ki, qadın voleybolçuların Yüksək Liqasında növbəti turun oyunları fevralın 4-də keçiriləcək.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Qar voleybolu üzrə Azərbaycan çempionatının ilk günündə 8 oyun keçirilib

Hesablama Palatası UNEC-də keçirilən auditin nəticələrini açıqlayıb