Beynəlxalq Şahmat Federasiyasının (International Chess Federation - FIDE) şahmatçıların may üçün dünya reytinqini dərc edib.

BAKU.WS xəbər verir ki, Azərbaycanın yeddi şahmatçısı "Top-100"də yer alıb.

Kişi şahmatçılardan ən yaxşı göstəriciyə Şəhriyar Məmmədyarov malikdir. Bir pillə geriləyən qrossmeysterimiz 2746 xalla 14-cü yerdə qərarlaşıb. Onun kimi bir addım geriləyən Teymur Rəcəbov (2692) 40-cl sırada yer alıb. Rauf Məmmədov (2657) 69-cu pillədəki mövqeyini qoruyub.

Cədvələ 2837 xalla norveçli Maqnus Karlsen başçılıq edir.

Qadınların cədvəlində ən yaxşı təmsilçimiz Gövhər Beydullayeva (2394) səkkiz pillə geriləyərək 53-cü sıraya düşüb. Mövqeyini dörd pillə pisləşdirən Günay Məmmədzadə (2390) 57-cidir. 10 pillə geriləyən Ülviyyə Fətəliyeva (2374) 67-ci, üç addımlıq irəliləyişə nail olan Xanım Balacayeva (2358) 82-ci pillədədir. "100-lüy"ə qayıdan Gülnar Məmmədova isə 2352 xalla 91-ci sıradadır.

Qadınların reytinq cədvəlinə çinli Yifan Hou başçılıq edir - 2633 xal.

Oxşar xəbərlər

Şəhriyar Məmmədyarov dünya reytinqində 11-ci oldu

Şəhriyar Məmmədyarov FIDE reytinqində 9 pillə irəliləyib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Şəhriyar Məmmədyarov ilin son reytinqində 16-cı, Teymur Rəcəbov 33-cü pillədə qərarlaşıb

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4