UFC keçmiş çempionu Həbib Nurmaqomedov hazırki çempion İslam Maxaçevin yeni məşğuliyyətini – motosiklet sürməsini bəyənmədiyini bildirib.

Far.Az xəbər verir ki, yüngül çəkidə çempion titulundan imtina edən həmyerlisi Maxaçevin dağlıq ərazidə enduro tipli motosikletlə hərəkət etdiyi bir fotoşəkli paylaşaraq, "Bu mənə xoş deyil" sözlərini yazıb.

Qeyd edək ki, İslam Maxaçev UFC-dəki yüngül çəki titulundan imtina edərək yarımorta çəkiyə keçib.

O, bu çəki dərəcəsində yeni çempion Cek Della Maddalena ilə döyüşməyə hazırlaşır. Döyüşün vaxtı və yeri hələ açıqlanmayıb.

Cek Della Maddalena 11 may tarixində amerikalı Belal Məhəmmədə qalib gələrək titulun sahibi olub. Döyüşdən dərhal sonra həm o, həm də Maxaçev bu qarşılaşmaya hazır olduqlarını bildiriblər.

Xatırladaq ki, 19 yanvar 2025-ci ildə Los-Ancelesdə keçirilən UFC 311 turnirinin əsas qarşılaşmasında İslam Məhəçev braziliyalı Renatu Moykanonu məğlub edərək titulunu dördüncü dəfə uğurla müdafiə edib. O, rəqibini təslim olmağa məcbur edib. Əslində Maxaçev həmin döyüşdə Arman Tsarukyanla qarşılaşmalı idi, lakin o, 17 yanvarda döyüşdən imtina etmişdi.

Oxşar xəbərlər

UFC ilk dəfə Azərbaycanda!

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan ictimaiyyəti Qorbaçovun Nobel Mükafatından məhrum olunmasını istəyir - AÇIQ MƏKTUB