Bu gün Fransanın paytaxtı Parisdə Yay Paralimpiya Oyunlarının açılış mərasimi baş tutub.

"Report"un məlumatına görə, Bakı vaxtı ilə saat 22:00-da start götürən tədbir Yelisey Çöllərində başlayıb.

İlk dəfə stadiondan kənarda baş tutan mərasim Parisdəki Konkord meydanında yekunlaşıb. Açılışda Azərbaycan bayrağını parataekvondoçu İmaməddin Xəlilov və paraatlet Lamiyə Vəliyeva daşıyıblar.

Ölkəmiz turnirdə 7 növdə 19 idmançı ilə təmsil olunacaq. Bunlar parataekvondoçular Röyalə Fətəliyeva (52 kq), Sabir Zeynalov (58 kq), İmaməddin Xəlilov (70 kq), Əbülfəz Abuzərli (80 kq), paraüzgüçülər Könül Süleymanova, Raman Saley, Vəli İsrafilov, paracüdoçular Dürsədəf Kərimova (+70 kq), Xatirə İsmiyeva (+70 kq), İlham Zəkiyev (+90 kq), paraatletlər Rüfət Rəfiyev, Oloxan Musayev (hər ikisi nüvə itələmə), Səid Nəcəfzadə, Orxan Aslanov (hər ikisi uzunluğa tullanma), Lamiyə Vəliyeva (100 və 400 metr məsafəyə qaçış), paraatıcılar Kamran Zeynalov, Aybəniz Babayeva, parakamandan oxatmada mübarizə aparan Cahan Musayev və parapauerliftinqçi Ceyhun Mahmudovdur (54 kq).

Qeyd edək ki, Paris-2024 Yay Paralimpiya Oyunları sentyabrın 8-də başa çatacaq.

Oxşar xəbərlər

Bu gün Paris-2024 Yay Paralimpiya Oyunlarının açılış mərasimi keçiriləcək

Paris-2024 Yay Paralimpiya Oyunlarının açılış mərasimi keçirilib

Toyota Prius: Hibrid Avtomobillərin atası

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

Paris-2024-də iştirak edəcək parataekvondoçularla görüş olub