Sumqayıt sakinləri narazıdır - Blokda təmizliyə kim cavabdehdir?

Sumqayıt şəhəri, 12-ci mikrorayon, 28-ci binada yaşayan sakinlər ciddi problemlə üzləşiblər.

Far.Az-ə bildirilib ki, binanın bloklarından biri uzun müddətdir zibillə dolub və hətta siçovul da ölü vəziyyətdə qalıb.

Sakinlərin sözlərinə görə, problem günlərdir davam edir, lakin heç bir aidiyyəti qurum və ya məsul şəxs təmizləmə işlərini həyata keçirməyib. Bu vəziyyət həm sağlamlıq, həm də sanitar-gigiyena baxımından ciddi narahatlıq doğurur.

Sakinlər aidiyyəti qurumlardan vəziyyətin dərhal həll olunmasını və binanın təmizlənməsini tələb edirlər. Onlar bildirirlər ki, uzun müddətdir davam edən bu problem onların gündəlik həyatını çətinləşdirir və təhlükəli şərait yaradır.