Baku TV-nin "Global Panorama" verilişinin yeni buraxılışı yayımlanıb.

Bu dəfə Rusiya-Ukrayna müharibəsi ilə bağlı keçirilən son vacib görüşlərdən bəhs olunub.

Bildirilib ki, Alyaska görüşündə Rusiya tərəfi Ukraynanın Donetsk və Luqansk bölgələrindən tam çıxması şərti ilə müharibənin dayandırılmasını təklif edib. Buna cavab olaraq Ukrayna rəhbərliyi həmin ərazilərdən imtina etməyəcəyini bildirib.

Vurğulanıb ki, Vaşinqton görüşü Volodimir Zelenski üçün simvolik baxımdan önəmli olsa da, konkret zəmanətlərin olmaması Kiyevin arzuladığı nəticəni verməyib.

Qeyd olunub ki, D.Tramp açıq şəkildə V.Putin və V.Zelenski görüşünün mümkünlüyünü elan edib və ABŞ-nin vasitəçi ola biləcəyini deyib. Amma bu ssenari V.Zelenski üçün riskli hesab olunur, çünki Moskva ilə birbaşa masa Kiyevin mövqeyini zəiflədə bilər.

Əlavə olunub ki, Rusiya rəsmiləri "görüşün mümkünlüyünü nəzərdən keçirmək olar" tipli açıqlamalar verərək həm qapını açıq saxlayır, həm də məsuliyyəti üzərlərinə götürmürlər. Avropa liderləri isə atəşkəs olmadan heç bir sülh sazişinin real ola bilməyəcəyini qətiyyətlə bildiriblər.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Ali məktəblərə qəbulun nəticələri açıqlanıb

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4