İsrail Müdafiə Qüvvələri (IDF) Rəfahda tuneldə HAMAS tərəfindən öldürülən 6 girovun meyitinin tapıldığını açıqlayıb.

APA xəbər verir ki, girovlar 23 yaşlı Herş Qoldberq-Polin, 24 yaşlı Eden Yeruşalmi, 25 yaşlı Ori Danino, 32 yaşlı Aleks Lubnov, 40 yaşlı Karmel Qat və 25 yaşlı Almoq Sarusidir.

Məlumata görə, altı nəfər HAMAS tərəfindən qısa müddət ərzində, ola bilsin ki, təxminən bir və ya iki gün ərzində, əsgərlər onları tapana qədər öldürülüb.

Bildirilir ki, tuneldə HAMAS ilə toqquşma olmayıb, 6 nəfəri öldürən HAMAS üzvləri ərazidən qaçıblar.

Herş Qoldberq-Polin, Eden Yeruşalmi, Ori Danino, Aleks Lubnov və Almoq Sarusi oktyabrın 7-də Kibbutz Reim yaxınlığındakı Nova musiqi festivalından HAMAS üzvləri tərəfindən oğurlanıb.

İsrail Prezidenti İsaak Hersoq verdiyi açıqlamada Qəzzada əsirlikdə öldürülmüş altı girovun cəsədinin tapılmasından sonra bütün bir xalqın ürəyinin parça-parça olduğunu deyib.

“Sevdiklərinizi sağ-salamat evə qaytara bilmədiyiniz üçün bağışlayın”, - Hersoq deyib.

İsrail Müdafiə Qüvvələrinin (IDF) sözçüsü Daniel Hagari bildirib ki, “Qəzzanın cənubundakı Rəfahdan çıxarılan altı girov hərbçilər gəlməmişdən bir müddət əvvəl HAMAS tərəfindən vəhşicəsinə öldürülüb”.

Oxşar xəbərlər

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

Allahverdi Əsədov: Qarabağ müharibəsindən çəkdiyim kasetlər məhv olmaq üzrədir, yiyə duran yoxdur - MÜSAHİBƏ

Zorakılıq qurbanlarını necə mühafizə edək? - ARAŞDIRMA

“COP29 üçün effektiv kommunikasiya strategiyaları” mövzusunda media seminarı keçirilib - YENİLƏNİB

Volqoqradda terrorçuların koloniyada bir neçə nəfəri girov götürməsi zamanı PX-nin dörd əməkdaşı həlak olub - YENİLƏNİB-4 - VİDEO