"Retro Baku" verilişinin yeni buraxılışı xərçəngdən dünyasını dəyişən müğənni Qəşəm Cəfərova həsr olunub. Proqramda yaxınları onun ağır xəstəlik dövrünü xatırlayıblar.

Anası Gülnarə Zülfəliyeva bildirib ki, Qəşəm üçüncü kursda oxuyarkən bel ağrıları yaranıb:

"Həkimlər əvvəl böyrək problemi olduğunu dedilər. Səhv diaqnoz səbəbindən 8 ay yanlış müalicə olundu. Sentyabrda düzgün diaqnoz qoyuldu - artıq ayaqları tutulmuşdu. Şiş fəqərələrini sındırmışdı. Sarkoma olduğu məlum oldu. Özü bilmirdi, kimyaterapiya başlayanda öyrəndi".

G.Zülfəliyeva deyib ki, Türkiyədə aparılan müayinələrdən sonra vəziyyət 10-11 ay sabit qalıb. Lakin 2024-cü ilin iyununda ağrılar yenidən güclənib və Qəşəm ikinci əməliyyat keçirmək məcburiyyətində qalıb. Buna baxmayaraq, o, "Səs Azərbaycan" yarışmasında iştirak edib.

Anası övladının son anlarını belə xatırlayıb: "Deyirdi, "ana, sən qoymursan, mən gedim". Bütün bədəni şişmişdi. "Məni qucaqla" dedi. Qucaqladım, gördüm ki, sinəsi dayandı, nəfəsi kəsildi".

"Öləndə gözünü yumduq, yuduqda yenidən açıldı. Böyüklər deyir ki, həyata doymayan adam gözüaçıq gedir", - deyə mərhumun dostu Murad Əzizov əlavə edib.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Narkotik maddədədən dünyasını dəyişən MƏŞHURLAR

III MDB Oyunları: Sinxron proqramda finala yüksələn Azərbaycan gimnastları müəyyənləşib

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub