Bakıda ağır yol-nəqliyyat hadisəsi törətmiş şəxsin məhkəməsi başa çatıb.

Far.Az "Qafqazinfo"ya istinadən xəbər verir ki, Bakı Ağır Cinayətlər Məhkəməsində keçirilən prosesdə Lənkəran rayon sakini, 44 yaşlı Sahib Süleymanova (ad şərtidir) hökm oxunub.

Bildirilib ki, hadisə ötən il dekabrın 21-i saat 6 radələrində Sabunçu rayonu, Kürdəxanı qəsəbəsində baş verib.

S.Süleymanov dostuna məxsus "KIA Rio" markalı avtomobillə həyat yoldaşını işə apararkən iki qadını vurub. 31 yaşlı Pikə Ağarzayeva və onun yaşıdı Gülcahan Quliyeva aldıqları ağır xəsarətlərdən hadisə yerində ölüblər.

Məhkəmədə mərhumların ailə üzvləri sürücüyə ən ağır cəzanın verilməsini tələb ediblər.

Bakı Ağır Cinayətlər Məhkəməsinin hökmü ilə S.Süleymanova altı il altı ay müddətinə həbs cəzası verilib. Onun sürücülük hüququ da əlavə beş il ərzində məhdudlaşdırılıb.

Oxşar xəbərlər

Prezident İlham Əliyev Əfv Sərəncamı imzalayıb

Arvadını işə apararkən maşınla 2 qadını vurub öldürmüşdü - Bu cəza verildi

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

Bir sıra məhkəmələrə hakimlər təyin edilib - SƏRƏNCAM

Əhmədin DƏHŞƏTLİ ETİRAFLARI: "Kimsə mənə deyirdi ki, ailə üzvlərimi öldürməliyəm"