"Qarabağ"ın müdafiəçisi Bədavi Hüseynov mövsümün sonunda karyerasını bitirməsi ilə bağlı danışıb.

Far.Az qafqazinfo-ya istinadən xəbər verir ki, 34 yaşlı futbolçu ötən gün Azərbaycan Kubokunun 1/8 final mərhələsində "Karvan-Yevlax"a 3:0 qalib gəldikləri matçdan sonra bu barədə fikirlərini açıqlayıb.

Təcrübəli oyunçu hələ də meydana çıxmaq istədiyini bildirib: "Bilmirəm, bu xəbər necə çıxıb. Bəlkə məni tez yola salmaq istəyirlər? (gülür) Bu, doğru xəbər deyil. Necə ortaya çıxdığını da bilmirəm. Mövsümün sonunda hoca (Qurban Qurbanov nəzərdə tutulur -red.) ilə danışacağıq. Lakin mən özümdə güc hiss edirəm və hələ də oynamaq istəyirəm. Əgər komandaya faydam dəyəcəksə, niyə də karyeramı davam etdirməyim? Özümü başqa komandada təsəvvür edə bilmirəm. Ümid edirəm ki, hoca komandaya xidmətimə ehtiyac duymadığını deməz (gülür)".

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

"Mən televiziyaya çıxmaq üçün işləmirəm" - Qurban Qurbanov

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4