İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin tabeliyindəki "İstehlak Mallarının Ekspertizası Mərkəzi" MMC 2023-cü ili 641 min manat xalis mənfəətlə başa vurub.

“Far.Az” şirkətin maliyyə hesabatına istinadən xəbər verir ki, bu, 2022-ci illə müqayisədə 19,7 % azdır.

Ötən il “İstehlak Mallarının Ekspertizası Mərkəzi”nin əməliyyat gəlirləri 5,781 milyon manat (əvvəlki ilə nisbətən 8,5 % çox), əməliyyat xərcləri 4,946 milyon manat (15,5 % çox), mənfəət vergisi ödəmələri isə 195 min manat (21,7 % az) təşkil edib.

Bu il yanvarın 1-nə “İstehlak Mallarının Ekspertizası Mərkəzi”nin aktivləri 1,526 milyon manat olub ki, bu da illik müqayisədə 26,4 % azdır. Hesabat dövründə şirkətin öhdəlikləri 38,3 % azalaraq 573 min manata, balans kapitalı isə 16,6 % azalaraq 953 min manata düşüb.

“İstehlak Mallarının Ekspertizası Mərkəzi” 2007-ci ildə yaradılıb. Onun nizamnamə kapitalı 1 min manatdır. Şirkət malın mənşə ölkəsinin müəyyən edilməsi barədə ekspertiza aktının verilməsi, Nazirlər Kabinetinin qərarına əsasən satınalma güzəştinin tətbiqi zamanı malların mənşəyi barədə rəyin verilməsi, “Bir pəncərə” prinsipi əsasında mənşə sənədlərinin, eləcə də uyğunluq sertifikatlarının əldə edilməsi üzrə məsləhət xidmətlərinin göstərilməsi ilə məşğuldur.

Oxşar xəbərlər

Mənzil İnşaatı Dövlət Agentliyi ötən il 8 milyon manatdan çox xalis mənfəət əldə edib

Prezident yanında Antiinhisar və İstehlak Bazarına Nəzarət Dövlət Agentliyi yaradılır

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

Azərbaycan QHT-ləri ABŞ və Avropa İttifaqının məsul qurumlarının rəhbərlərinə açıq məktub göndərib

Azərbaycanın bank sektorunun xalis mənfəəti 4 % artıb