Azərbaycan Basketbol Liqasında bu gün XIII turun daha 3 oyunu keçiriləcək.

"Report" xəbər verir ki, ilk olaraq saat 13:00-da "Ordu" "Sərhədçi" ilə üz-üzə gələcək.

Bu qarşılaşmadan 1 saat sonra "Gəncə" "Neftçi"ni sınağa çəkəcək.

Günün son görüşündə isə "Sumqayıt" və "Quba" basketbolçuları münasibətlərinə aydınlıq gətirəcəklər. Bu matç saat 19:00-da başlayacaq.

A qrupunda "Neftçi" 16 xalla üçüncü, eyni xala malik "Gəncə" dördüncüdür. B qrupuna isə 24 xalla "Ordu" başçılıq edir. 16 xalı olan "Sərhədçi" və "Quba" müvafiq olaraq dördüncü və beşinci pillələrdə yer alıblar. "Sumqayıt" isə 15 xalla sonuncu - altıncıdır.

Qeyd edək ki, turun ilk matçında "Naxçıvan" "Lənkəran"a 106:75 hesabı ilə qalib gəlib.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

Bakı sakinləri Zəfərin beşinci ildönümünü qeyd edir

İlham Əliyev Ərəb Koordinasiya Qrupuna daxil olan üzv qurumların rəhbər şəxslərini qəbul edib