Kürdəmirin Aran 1 qəsəbəsində baş verən qəzada xəsarət alanların vəziyyətləri açıqlanıb.

TƏBİB-dən "Report"un yerli bürosunun sorğusuna cavab olaraq bildirilib ki, 22.02.2026-cı il tarixində saat 21:00 radələrində Kürdəmir rayonu ərazisində baş verən yol-nəqliyyat hadisəsi səbəbilə xəsarət alan 4 nəfər (3-ü qadın, 1-i kişi) Kürdəmir Rayon Mərkəzi Xəstəxanasına hospitalizasiya olunub.

Qeyd olunub ki, onlara bədənin müxtəlif nahiyələrinin çoxsaylı travması diaqnozu təyin edilib. Hazırda pasiyentlərin müalicəsi Təcili tibbi yardım şöbəsində davam etdirilir, vəziyyətləri orta ağır olaraq qiymətləndirilir.

22 fevral, 21:57

Kürdəmirdə baş verən yol-nəqliyyat hadisəsi zamanı dörd nəfər xəsarət alıb.

"Report"un Yuxarı Şirvan bürosu xəbər verir ki, hadisə rayonun Aran 1 qəsəbəsində qeydə alınıb.

Belə ki, "AUDİ" markalı avtomobil dörd nəfəri - 40 yaşlı Şairə Əzizova, 61 yaşlı Şahnaz Abdullayeva, 12 və 13 yaşlı R.A. ilə Y.Ə.-ni vurub.

Yaralılar dərhal Kürdəmir Rayon Mərkəzi Xəstəxanasına aparılıblar.

Hadisə yerinə hüquq-mühafizə orqanı əməkdaşları cəlb olunub. Hadisənin baş vermə səbəbləri araşdırılır.

Oxşar xəbərlər

9 Fərqli Rəng Seçimi ilə Yeni Audi Q5 Tezliklə Azərbaycanda!

Tam Yeni Audi A6 modelləri Azərbaycanda!

Prezident İlham Əliyev Əfv Sərəncamı imzalayıb

"Sədərək"də baş verən yanğında xəsarət alanların sayı 13 nəfərə çatdı - TƏBİB

"Sədərək" ticarət mərkəzindəki yanğın tam söndürülüb