Məşhurların bəzən parıltılı və işıqlı səhnə həyatı qaranlıqla əvəz olunur. Səhnədə gözəl ifalar səsləndirib, əla şoular göstərən elə dünya ulduzları var ki, onlar səhhətləri ilə bağlı ciddi narahatlıqlar yaşayırlar. Bunlardan biri də onların yemək yeyə bilməmək kimi ciddi problemlə qarşılaşmalarıdır. Son illərdə bir çox tanınmış sima anoreksiya (qidalanma pozuntusu) ilə mübarizə aparması ilə gündəmə gəlib.

Bu dəfə BAKU.WS anoreksiyadan əziyyət çəkən dünya ulduzlarının siyahısını təqdim edir:

Müğənni Demi Lovato

Sənətçi müsahibələrindən birində uşaq yaşlarından bəri qidalanma pozuntuları ilə mübarizə apardığını etiraf edib. O, həm anoreksiya, həm də bulimiya (ciddi və potensial olaraq həyati riskə yol aça biləcək yemə pozğunluğudur) yaşadığını bildirib.

Aktrisa Lili Kollins

"To the Bone" filmində anoreksiyadan əziyyət çəkən obrazı canlandırıb. Özü də yeniyetməlik dövründə qidalanma pozuntusu ilə mübarizə apardığını etiraf edib.

Müğənni Ledi Qaqa

Gənclik illərində bulimiya (ciddi və potensial olaraq həyati riskə yol aça biləcək yemə pozğunluğudur) və anoreksiya ilə mübarizə apardığını bildirib. O, bədən pozitivliyi mövzusunda tez-tez çıxışları ilə diqqət çəkir.

Müğənnni Zeyn Malik

Keçmiş "One Direction" üzvü konsert turları zamanı qidalanma problemləri yaşadığını və bu səbəbdən sağlamlığının pisləşdiyini etiraf edib.

Aktrisa Nikol Riçi

2000-ci illərdə həddindən artıq arıqlaması ilə gündəmə gəlmişdi. O, sağlamlıq problemləri yaşadığını və kömək aldığını bildirib.

Aktrisa Meri Keyt Olsen

Aktrisa 2004-cü ildə anoreksiya səbəbilə müalicə mərkəzinə yerləşdirilib. Daha sonra sağalıb.

Bu xəstəliklə mübarizə aparan digər tanınmış simalar arasında modelyer Viktoria Bekhem,

aktrisa Ancelina Coli də var.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Məşhur müğənni niyə səhnədə niyə açıq-saçıq geyimlər geyinmir?