Külli miqdarda mənimsəmədə təqsirləndirilən Beyləqan rayonu notariusu vəzifəsini icra edən Cəsarət Qasımovun cinayət işi üzrə məhkəmə prosesi başa çatıb.

Far.Az APA-ya istinadla xəbər verir ki, Lənkəran Ağır Cinayətlər Məhkəməsində hakim Cavid Səfərlinin sədrliyi ilə keçirilən prosesdə hökm oxunub.

Hökmə əsasən, təqsirləndirilən Cəsarət Qasımova bir il sınaq müddəti seçilməklə beş il altı ay müddətinə şərti cəza verilib.

İttihama əsasən, Cəsarət Qasımov işlədiyi dövr ərzində vəzifə saxtakarlığı edib, ümumilikdə 308 530 manat pul mənimsəyib. İstintaq dövrü ərzində barəsində polis nəzarəti altına vermə qətimkan tədbiri seçilib, dəymiş ziyan zərərçəkmişə tam şəkildə ödənilib.

Təqsirləndirilən Cəsarət Qasımov Cinayət Məcəlləsinin 179.3.2-ci (mənimsəmə, külli miqdarda törədildikdə) və 313-cü (vəzifə saxtakarlığı) maddələri ilə ittiham edilib.

Oxşar xəbərlər

Mehriban Əliyeva növbəti beş il müddətinə Azərbaycan Gimnastika Federasiyasının prezidenti seçilib

İlham Əliyev Lənkəran Dövlət Peşə Təhsil Mərkəzinin açılışında iştirak edib

Prezident İlham Əliyev Əfv Sərəncamı imzalayıb

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN