Serbiyanın Zrenyanin şəhərində təşkil olunan Avropa çempionatında gümüş medal qazanan Ruzanna Məmmədova (62 kq) əməliyyat olunmasına baxmayaraq kürsüdən düşməmək niyyətində olub.

"Report" xəbər verir ki, idmançı bunu final görüşündən sonra jurnalistlərə açıqlamasında deyib.

O, yalnız bir təlim-məşq toplanışında iştirak etdiyini bildirib:

"Yarış çox çətin keçdi. İki ay idi hazırlaşırdım. Dizindən əməliyyat olunmuşdum. Zədədən sonra ilk yarışım idi. Yalnız bir təlim-məşq toplanışında iştirak etmişdim. Yüngül məşqlər edib yarışa qoşulmuşdum. Əməliyyat olunmağıma baxmayaraq məqsədim bu yarışda medal qazanmaq, kürsüdən düşməmək idi. Düzdür, çempionluq arzum gerçəkləşmədi. Bu yarışda məni bir qədər geri salan amil diz əməliyyatı oldu. Ümidvaram növbəti yarışlarda daha yaxşı çıxış edəcəyəm".

Güləşçi növbəti hədəflərindən də danışıb:

"Böyüklər arasında Avropa çempionatında iştirak etməyi hədəfləyirəm. Yəqin ki Albaniyada keçiriləcək yarışa qədər daha yaxşı hazırlaşıb, təlim-məşq toplanışında iştirak edəcəm. Təbii ki böyüklər arasındakı yarış daha çətin olacaq. 62 kq çəki dərəcəsində yarışıram. Bu olimpiya çəkisidir. Ümid edirəm ki bu yarışa daha yaxşı hazırlaşacağam".

Qeyd edək ki, R.Məmmədova finalda rusiyalı Amina Tandelovaya məğlub olaraq gümüş medal qazanıb.

Oxşar xəbərlər

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

Üzgüçülük üzrə Azərbaycan çempionatı başa çatıb - YENİLƏNİB

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Mərkəzi Bank tərəfindən media nümayəndələri üçün "Kapital bazarlarının əsasları" mövzusunda təlim keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2