Yaxın gələcəkdə Moskva ilə Bakı arasında kruiz layneri fəaliyyət göstərəcək.

BAKU.WS Oxu.Az-a istinadən xəbər verir ki, bu barədə Rusiya Federasiyasının ölkəmizdəki ticarət nümayəndəsi Adam Xakimov açıqlama verib.

A.Xakimov "Zvezda" telekanalının "Voennaya priemka" verilişinə müsahibəsində bildirib ki, qısa müddət ərzində Moskva - Bakı marşrutu üzrə kruiz laynerinin fəaliyyətə başlaması planlaşdırılır.

Ticarət nümayəndəsinin sözlərinə görə, su yolu ilə həyata keçiriləcək bu səfər ümumilikdə 14 gün davam edəcək: yeddi gün gediş və yeddi gün dönüşə sərf ediləcək. Xakimov əlavə edib ki, bu səyahətlər lüks sinfə aid gəmilərlə təşkil olunacaq.

Layihə birbaşa dövlət dəstəyi ilə həyata keçirilir və gəmilərin inşasına Rusiyanın Sənaye və Ticarət Nazirliyi tərəfindən subsidiya ayrılır.

"Hazırda tam istifadəyə yararlı bir gəmi mövcuddur və daha iki gəminin inşası başa çatmaq üzrədir. Bu layihə uğur qazanarsa, digər iki gəminin də Bakı istiqamətində hərəkət etməsinə ümid edirik", - deyə nümayəndə vurğulayıb.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İlham Əliyev Pirallahı Sənaye Parkında dərman istehsalı müəssisəsinin açılışında iştirak edib