"Neftçi" klubunun baş məşqçisi Yuri Vernidub Azərbaycan çempionatının 23-cü turunda "Turan Tovuz" komandasının çalışdırıcısı Kurban Berdiyev ilə oyundan sonra əl sıxmasına görə mediada yaranan tənqidlərə münasibət bildirib.

Far.Az xəbər verir ki, Vernidub qeyd edib ki, mətbuatda yazılanlara əhəmiyyət vermir:

"Media nə yazırsa yazsın, mənim üçün fərqi yoxdur. Berdıyevin neçə pasportu olduğunu bilmirəm. Bildiyim qədərilə o, türkməndir. Bir şeyi deyə bilərəm ki, Ukrayna ilə Rusiya arasında münaqişənin ilk günündə necə idimsə, indi də eləyəm".

O əlavə edib ki, onu tənqid edənlər əvvəlcə son dörd ildə özlərinin nə etdiyini açıqlasınlar:

"Mənim 60 yaşım var. İstədikləri qədər təxribat etsinlər. Mən futboldayam və işimi görməyə davam edirəm".

Qeyd edək ki, martın 9-da keçirilən oyunda "Turan Tovuz" "Neftçi"ni 1:0 hesabı ilə məğlub edib. Kurban Berdıyev daha əvvəl də Rusiyanın Premyer Liqa klublarında məşqçi kimi çalışıb.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Tənqid edilənlər, qalmaqal yaradanlar, ilklərə imza atıb, yeniliklər edənlər... - 2025-ci ilin əsas şou hadisələri

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Yuri Vernidub "Neftçi"yə baş məşqçi təyin edilib

Prezident İlham Əliyev Əfv Sərəncamı imzalayıb