Azərbaycan cüdoçusu Zelim Tçkayevin (81 kq) növbəti yarışlardakı hədəfi qızıl medal qazanmaq olacaq.

"Far.Az"un Gürcüstana ezam olunan əməkdaşı xəbər verir ki, bunu idmançı özü jurnalistlərə açıqlamasında deyib.

O, Gürcüstanın paytaxtı Tbilisidə keçirilən Avropa çempionatında bürünc medal qazanması barədə danışıb:

"Yarımfinal görüşümdə müəyyən qədər eniş var idi. Ümumilikdə öz çıxışımdan razıyam. Millimiz medallar qazanmaqda davam edir. Və bu medallar arasında mənim medalım da yer alır. Pis nəticə deyil. Qarşıdakı yarışlara daha ciddi hazırlaşacağıq. Növbəti hədəfim dünya çempionatında qızıl medal qazanmaq olacaq".

27 yaşlı idmançı yarımfinalda gürcüstanlı Tato Qriqalaşviliyə 6-cı dəfə məğlub olmasına belə reaksiya verib:

"Bu məsələni məşqçimlə müzakirə edəcəyik. Görünür, bu dəfə də belə alındı. Bu gün rəqib daha üstün idi. Səhvlərimizi nəzərdən keçirib, onları aradan qaldırmağa çalışacağıq".

Qeyd edək ki, Zelim Tçkayev üçüncü yer uğrunda görüşdə belçikalı Mattias Kasseyə qalib gəlib.

Oxşar xəbərlər

Avropa çempionatı: Şəfəq Həmidova bürünc medal uğrunda görüşdə uduzub - YENİLƏNİB-12

Azərbayan cüdoçusu Zelim Tçkayev Avropa çempionatında bürünc medal qazanıb - YENİLƏNİB

Avropa çempionatı: Balabəy Ağayev də bürünc medal uğrunda görüşə vəsiqə əldə edib - YENİLƏNİB-10

Azərbayan cüdoçusu Zelim Tçkayev Avropa çempipnatında yarımfinala yüksəlib

Azərbayan cüdoçusu Zelim Tçkayev Avropa çempionatında yarımfinala yüksəlib - YENİLƏNİB-4