Türküstan şəhərində keçirilən Türk Dövlətləri Təşkilatının (TDT) Dövlət başçılarının qeyri-rəsmi Zirvə görüşündə Prezident İlham Əliyev tərəfindən səsləndirilən fikir Türk dünyasının gələcək strateji istiqamətinə dair aydın və məqsədyönlü siyasi mövqenin ifadəsidir.

Bunu "Report"a açıqlamasında deputat Fatma Yıldırım bildirib.

Deputat qeyd edib ki, Azərbaycanın TDT çərçivəsində fəal mövqeyi, təşkilatın institusional gücünün artırılması istiqamətində göstərdiyi səylər bu strateji baxışın praktiki əsaslara söykəndiyini nümayiş etdirir:

"Ailəmiz olan Türk dünyasının XXI əsrdə mühüm geosiyasi güc mərkəzlərindən birinə çevrilməsi çağırışı region ölkələri arasında həm siyasi həm də iqtisadi inteqrasiyanın dərinləşdirilməsi baxımından xüsusi əhəmiyyət daşıyır.

Azərbaycanın Türk Dövlətləri Təşkilatı çərçivəsində fəal və ardıcıl mövqe sərgiləməsi, təşkilatın institusional gücünün artırılması istiqamətində göstərdiyi səylər bu strateji baxışın praktiki əsaslara söykəndiyini nümayiş etdirir. Türk Dövlətləri Təşkilatı çərçivəsində əməkdaşlığın genişləndirilməsi ortaq tarixi köklərə, mədəni bağlara və qarşılıqlı maraqlara əsaslanan yeni bir geosiyasi reallığın formalaşmasına xidmət edir.

Bu çıxış Türk dünyasında həmrəylik ruhunun möhkəmlənməsi, ortaq hədəflərin müəyyənləşdirilməsi və gələcək nəsillər üçün dayanıqlı əməkdaşlıq modelinin qurulması baxımından mühüm siyasi mesaj kimi qiymətləndirilir. Azərbaycan bu prosesdə təşəbbüskar mövqeyini qoruyaraq regional sabitlik və inkişafın gücləndirilməsinə töhfə verməyə davam edir".

Oxşar xəbərlər

İlham Əliyev Türküstanda TDT-nin qeyri-rəsmi Zirvə görüşündə iştirak edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Bişkekdə TDT ölkələri hökumət başçılarının iclası olub, Birgə Bəyanat qəbul edilib

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib