Azərbaycan təcrübə mübadiləsi və urbanizasiya sahəsində qlobal islahatların müzakirəsi üçün əlverişli platforma yaradıb.

Far.Az xəbər verir ki, bu barədə "Report"a Özbəkistanın Urbanizasiya və Mənzil Bazarı üzrə Milli Komitəsinin sədrinin birinci müavini Orifjon Fayziyev Bakıda WUF13 çərçivəsində bildirib.

O qeyd edib ki, WUF13-ün Azərbaycanda keçirilməsi Özbəkistana son 9 ildə ölkədə həyata keçirilən genişmiqyaslı islahatları təqdim etmək imkanı verir.

"İlk növbədə, WUF13-ün yüksək səviyyədə təşkilinə görə qardaş Azərbaycana təşəkkür etmək istərdim. Bu, Özbəkistan üçün son 9 ildə həyata keçirilən qlobal islahatları təqdim etmək üçün əla imkandır", - o qeyd edib.

Fayziyevin sözlərinə görə, Özbəkistanda urbanizasiya prosesi fəal şəkildə inkişaf edir və bu yaxınlarda urbanizasiya və mənzil tikintisi məsələləri üzrə yeni milli komitə yaradılıb.

"Bu komitənin üzərinə 2040-cı ilə qədər urbanizasiya səviyyəsinin 60 %-ə çatdırılmasını təmin etmək kimi çox böyük vəzifələr qoyulub", - o vurğulayıb.

Fayziyev əlavə edib ki, forum qarşıya qoyulan məqsədlərə çatmaq və şəhər siyasətinin gələcək inkişafı üçün Azərbaycanın və digər ölkələrin təcrübəsini öyrənmək imkanı verir.

Oxşar xəbərlər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Azərbaycanda mənzil təminatı: sosial inklüzivlik və dayanıqlı urbanizasiya modeli – ARAŞDIRMA

Kəmaləddin Heydərov Özbəkistanda səfərdə olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub