Yerli idarəetmə kimi ortaq hədəfimiz insanyönümlülüyün əsas götürüldüyü, fəlakətlərə davamlı, sosial ədaləti gücləndirən və hər kəsin yaşaya biləcəyi şəhərlərin salınması olmalıdır.

"Report" xəbər verir ki, bunu Trabzon Böyükşəhər Bələdiyyəsinin sədri Ahmet Metin Genç Bakıda keçirilən Ümumdünya Şəhərsalma Forumunun 13-cü Sessiyası (WUF13) çərçivəsində keçirilən Yerli və regional hökumətlərin ümumdünya Assambleyasında deyib.

O, bu məsələlərlə bağlı çoxsaylı nüansların olduğunu vurğulayıb:

"Birincisi, mənzil hüququ üçün ortaq şəhər və urbanizasiya siyasəti hazırlamaq, ikincisi, iqlim əsaslı şəhərlər üçün əməkdaşlıq şəraitində olmaq, üçüncüsü, sosial ədaləti və imkan bərabərliyini gücləndirən yerli idarəetmə anlayışını yaymaq, dördüncüsü isə fəlakətlərə qarşı dayanıqlı və davamlı şəhərlər inşa etmək əsas vəzifə olmalıdır".

Bələdiyyə sədri qeyd edib ki, ədalətli dünya və şəhərlərin qurulması yalnız ortaq ideya və həmrəylik sayəsində mümkündür.

A.M.Genç çıxışının sonunda tədbirin yüksək səviyyədə təşkili üçün Azərbaycana təşəkkür edib.

Oxşar xəbərlər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Media nümayəndələri üçün WUF13 haqqında məlumatlandırma sessiyası keçirilib

FHN WUF13-ə hazırlıq çərçivəsində otellərdə təlimlər keçirib

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ

Media nümayəndələri Bakı Olimpiya Stadionunda WUF13-lə bağlı görülən işlərlə tanış olublar