Malayziyanın mənzil tikintisi və yerli özünüidarəetmə naziri, BMT-nin Məskunlaşma Proqramı (UN-Habitat) Assambleyasının fəaliyyətdə olan prezidenti Nqa Kor Minq Ümumdünya Şəhərsalma Forumunun 13-cü sessiyası (WUF13) kimi genişmiqyaslı platforma yaratdığına görə Azərbaycana təşəkkür edib.

BAKU.WS report-a istinadən xəbər verir ki, bu barədə Nqa Kor Minq Bakıda WUF13-ün açılışına həsr olunmuş mətbuat konfransında bildirib.

"Mən əminəm ki, WUF kimi platformalar əvəzolunmaz olaraq qalır, çünki onlar hökumətlərə və maraqlı tərəflərə bir-birindən öyrənməyə və müxtəlif milli və yerli kontekstlərə uyğunlaşdırıla bilən praktiki həllər tapmağa imkan verir", - o bəyan edib.

Nqa Kor Minq həmçinin bu səviyyədə genişmiqyaslı forumun təşkil edilməsinə görə Azərbaycana minnətdarlığını ifadə edib.

"Bu baxımdan UN-Habitat adından Azərbaycana belə genişmiqyaslı platformanın yaradılmasına görə minnətdarlığımı ifadə etmək istərdim", - nazir vurğulayıb.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ

Media nümayəndələri üçün WUF13 haqqında məlumatlandırma sessiyası keçirilib