Xarkovda bundan qabaqkı dövrlərlə müqayisədə tikinti işləri daha yaxşı aparılmalıdır ki, sakinlərin şəhərə qayıtması təmin edilsin.

"Far.Az" xəbər verir ki, bunu Xarkov şəhərindəki Milli Şəhər Təsərrüfatı Universitetinin prorektoru Qlib Vatuliya Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Xarkovda evlerin yenidən qurulması və Gələcək Şəhər" adlı tədbirdə bildirib.

Onun sözlərinə görə, BMT-nin Avropa İqtisadi Komissiyasından alınan qrant dəstəyi və imzalanmış saziş sayəsində Xarkov şəhərində Şimali Saltovka mikrorayonunun bərpası üçün layihə sənədlərini hazırlanır: "Texniki tapşırıq çərçivəsində biz yaşayış binalarının və uşaq bağçasının, o cümlədən onların altında sığınacaqların tikilməsi, ərazinin abadlaşdırılması və bu layihənin gələcəkdə Şimali Saltovkanın qonşu mikrorayonlarına genişləndirilməsi imkanı ilə bağlı layihəni reallaşdırırıq. Vahid yeraltı məkanla birləşdirilmiş 5 ədəd yeddimərtəbəli yaşayış binası və altında tamhüquqlu sığınacaq olan uşaq bağçasının tikilməsi planlaşdırılır. Həmçinin yaşayış binalarının texniki-iqtisadi göstəricilərinə gəldikdə, burada çoxfunksiyalı təyinatlı birləşdirilmiş ərazi, o cümlədən ərazinin abadlaşdırılması nəzərdə tutulur".

"Biz əvvəlkindən daha yaxşısını tikməliyik. Yalnız bu yolla biz sakinlərimizin Xarkov şəhərinə qayıtmasını təmin edə bilərik ki, bu da işimizin əsas aspektidir. Hazırda biz mühəndis-axtarış işləri aparırıq, çünki bu mikrorayon mürəkkəb mühəndis-geoloji şəraitdə yerləşir. Buna görə də, konsepsiya layihəsinin hazırlanması və ya onun icrası, eskiz layihəsi üçün bizdə iki mərhələli layihələndirmə (eskiz layihələri, işçi sənədlər) mövcuddur", - deyə prorektor əlavə edib.

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Heydər Əliyev Fondunun dəstəyi ilə alınan musiqi alətlərinin təqdimatı olub

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub