Azad edilmiş şəhər və rayonların baş planları mərhələli şəkildə icra olunur.

"Report" xəbər verir ki, bunu Dövlət Şəhərsalma və Arxitektura Komitəsinin azad olunmuş ərazilərdə layihə idarəedilməsi üzrə şöbə müdiri Ramil Cahangirov Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Münaqişədən Sonra Şəhər Yenidənqurması: Humanitar Mina Təmizlənməsinin Kritik Rolu" adlı sessiyada deyib.

O bildirib ki, hazırda təqdim edilən yaşayış məntəqələri və tikilmiş evlər həmin layihələrin ilk mərhələləridir:

"Bu mərhələliliyin təmin olunması üçün minatəmizləmə qurumları ilə sıx əməkdaşlıq aparılır: əvvəlcə birinci mərhələ üzrə ərazi təmizlənir, sonra isə tikinti işlərinə başlanılır. Bundan əlavə, söhbət yalnız yaşayış məntəqələrinin təmizlənməsindən getmir. Həmin ərazilər infrastruktur xətləri ilə də əlaqələndirilməlidir. Elektrik, su, qaz, rabitə və internet xətlərinin keçdiyi marşrutlar da mina təhlükəsindən tam azad olunmalıdır. Bu isə ANAMA-nın təkcə şəhərsalma qurumları ilə deyil, həm də kommunal xidmət təminatçıları ilə koordinasiyalı fəaliyyət göstərməsini tələb edir. Nəticədə proses daha mürəkkəb olsa da, daha sistemli və təşkilatlanmış şəkildə həyata keçirilir".

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

WUF13-ün beşinci günündən maraqlı anlar - FOTOREPORTAJ

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib