Azərbaycanın daha 3 boksçusu Çinin Quyyan şəhərində keçirilən reytinq xarakterli Dünya Kubokunda mərhələ adlayıb.

"Report" Azərbaycan Boks Federasiyasına istinadən xəbər veri ki, 55 kq-da Amin Məmmədzadə Paak Yinq Honu (Honkonq) sınağa çəkib.

Azərbaycan təmsilçisi rəqibini 5:0 (30:26, 30:25, 30:24, 30:25, 30:26) hesabı ilə məğlub edib. O, 1/8 finalda Samandar Olimovla (Özbəkistan) üz-üzə gələcək.

Görüş iyunun 17-də olacaq.

Səidcəmşid Cəfərov (75 kq) da Dünya Kubokuna qələbə ilə başlayıb – 5:0 (30:27, 30:27, 30:27, 30:27, 30:27). O, 1/4 finalda Muhammad Nurani (İran) ilə münasibətinə aydınlıq gətirəcək.

Döyüş iyunun 19-da olacaq.

Komanda yoldaşlarının uğurunu Alfonso Dominqes (90 kq) də davam etdirib. Dünya çempionu 1/4 finalda Kevin Lebovskini (Almaniya) yarışdan kənarlaşdırıb – 5:0 (30:27, 30:27, 30:27, 30:27, 29:28). Yarımfinala yüksəlməklə özü üçün azı bürünc medalı təmin edən Dominqes bu mərhələdə İsaak Oko (İngiltərə) ilə gücünü yoxlayacaq.

Qeyd edək ki, Dünya Kubokuna iyunun 21-də yekun vurulacaq.

Oxşar xəbərlər

Azərbaycanın daha bir boksçusu dünya çempionatında mərhələ adlayıb

Azərbaycanın dörd boksçusu Braziliyadakı Dünya Kubokunda yarımfinala yüksəlib

Bakıda idman gimnastikası üzrə Dünya Kubokuna start verilib

Azərbaycanın üç boksçusu finala yüksəlib, biri bürünc medala sahib olub

Heydər Əliyev Fondu Çində xüsusi qayğıya ehtiyacı olan uşaqlar üçün xeyriyyə tədbiri təşkil edib