Argentinalı futbolçu Lukas Trexonun həyat yoldaşı və iki uşağının meyitləri Venesuelada baş verən zəlzələlərdən 74 saat sonra axtarış-xilasetmə işləri zamanı tapılıb.

"Report" xəbər verir ki, bu barədə Venesuelanın futbolçunun çıxış etdiyi "Maritimo" klubunun mətbuat xidməti bildirib.

"Maritimo" klubu Lukas Trexonun ailəsinin itkisinə kədərlənir. Onun ailəsinə və komanda yoldaşlarına hörmətlə yanaşmağı xahiş edirik", - açıqlamada deyilir.

Xatırladaq ki, 38 yaşlı Trexo "Maritimo"ya cari ilin fevralında azad agent statusu ilə keçib.

Futbolçu karyerası boyunca Venesuela, Peru, Meksika, Argentina və Yunanıstan çempionatlarında oynayıb.

Venesuelada güclü zəlzələ iyunun 24-də axşam baş verib. Təxminən 40 saniyəlik fasilələrlə 7,2 və 7,5 maqnitudada iki zəlzələ qeydə alınıb. Zəlzələlərin episentrləri Yarakuy ştatında bir-birindən təxminən 10 km məsafədə olub. Əsas təkanların ardınca 214 təkrar seysmik titrəyişlər qeydə alınıb.

Son məlumata görə, təbii fəlakət nəticəsində 1,4 min nəfərdən çox insan həlak olub, 3,2 mindən çox insan müxtəlif dərəcəli xəsarətlər alıb.

Oxşar xəbərlər

Şəhidlər xiyabanına xalq ziyarəti axşam saatlarında da davam edir

Xəzərdə artan zəlzələ aktivliyi - TƏHLÜKƏ GÖZLƏNİLİR?

"Subway Azərbaycan" şəhid və qazi ailələrinin uşaqları üçün KVN gecəsinə səfər təşkil edib

Dağlıq ərazidə axtarış-xilasetmə ilə bağlı təlim keçirilib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib