UFC-nin sabiq çempionu, nigeriyalı döyüşçü Kamara Usman avstraliyalı Aleksandr Volkanovskinin MMA tarixindəki yeri ilə bağlı fikirlərini bölüşüb. O, Volkanovskini yarım yüngül çəki dərəcəsinin (65 kq-a qədər) ən yaxşı idmançısı hesab etdiyini bildirib.

BAKU.WS xəbər verir ki, Usman bu barədə "Pound 4 Pound with Kamaru & Henry" podkastında danışıb.

Sabiq çempionun sözlərinə görə, Volkanovskinin rusiyalı Movsar Yevloyevlə qarşılaşmada nümayiş etdirdiyi performans onun barəsindəki fikirlərini dəyişib.

Usman avstraliyalı döyüşçünün tarixdə bu çəki dərəcəsində çıxış edən idmançılar arasında böyük üstünlüklə seçildiyini vurğulayıb. O, Volkanovskinin ən çox qiymətləndirilməyən döyüşçülərdən biri olduğunu da qeyd edib.

"Volkanovski tarixdəki ən yaxşı yarım yüngül çəkili döyüşçüdür və bu baxımdan digərlərini xeyli qabaqlayır. O, mənim indiyədək ən az dəyər verdiyim döyüşçülərdən biri olub. Movsar Yevloyevə qarşı döyüşdə necə meydana çıxdığını və rəqibinə təzyiq göstərdiyini gördükdən sonra onun haqqında artıq mənfi heç nə deyə bilmərəm", – deyə Usman bildirib.

Oxşar xəbərlər

"UFC Fight Night Baku": İlkin döyüşlər başa çatıb, Fərman Həsənov qələbə qazanıb - YENİLƏNİB-6

"UFC Fight Night Baku": Gecənin ikinci əsas döyüşündə Maqomedov Pereyranı məğlub edib - YENİLƏNİB-4

"UFC Fight Night Baku": Nazim Sadıxov məğlub olub - YENİLƏNİB-3

Bakıda tarixi UFC gecəsi: Fiziyevdən möhtəşəm qələbə - FOTOREPORTAJ

Azərbaycanlı döyüşçü İsveçdə MMA turnirində braziliyalı rəqibinə qalib gəlib