Fransanın Vinjen-sür-Moder kommunasındakı Lalik zərgərlik muzeyində irimqyaslı oğurluq hadisəsi baş verib. Oğurlanmış zərgərlik əşyalarının dəyəri təxminən 4 milyon avro qiymətləndirilir.

"Report"un məlumatına görə, bu barədə "Le Parisien" qəzeti xəbər yayıb.

Qəzetin məlumatına görə, cinayətkarlar təxminən 20 zərgərlik məmulatı oğurlayıblar.

Soyğunçuluq yerli vaxtla səhər saat 5:30 radələrində baş verib. Binaya girən cinayətkarlar dərhal zərgərlik zalına gediblər. Siqnalın işə salınmasına baxmayaraq, onları tutmaq mümkün olmayıb. Mühafizə şirkəti siqnalın səbəbini araşdırarkən əvvəlcə xadimə gəlib və polisə zəng edib.

Qeyd olunur ki, 2025-ci ilin oktyabrında Luvrda soyğunçuluqdan sonra Lalik Muzeyi həssas yerlər siyahısına salınıb və xüsusi nəzarət altına alınıb.

2011-ci ildə fransız rəssam və zərgər Rene Lalikin fabrikinin yanında açılan muzey onun işinə həsr olunub. Kolleksiyada 650-dən çox eksponat var.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Leyla Əliyeva "Mənzərəyə açılan ev" mövzusunda qrup sərgisində iştirak edib

Azərbaycan Milli Xalça Muzeyində "Zamanın naxışları" moda nümayişi təşkil olunub

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Vətən müharibəsində Qələbənin beşinci ildönümünə həsr olunmuş Hərbi parad keçirilib