Futbol üzrə dünya çempionatında Argentina Misir üzərində əzmkar qələbə qazanıb.

"Report"un məlumatına görə, Atlanta stadionunda keçirilən 1/8 final mərhələsinin matçında Cənubi Amerika təmsilçisi 3:2 hesablı qələbəyə sevinib.

Görüşdə ilk iki qolu Misir komandası vurub. Yasser İbrahim (15) və Mustafa Ziko (67) Afrika təmsilçisini hesabda irəli çıxarıblar. Bununla belə, özündə güc toplayan Argentina seçməsi ardıcıl 3 dəfə rəqib qapısına yol tapmaqla qalib gəlməyi bacarıb.

"Tanqoçular"un heyətində Kristian Romero (79), Lionel Messi (83) və Enzo Fernandes (90+3) diqqət mərkəzinə düşüblər.

Qarşılaşmanın 21-ci dəqiqəsində Argentinanın kapitanı Lionel Messi penalti zərbəsindən yararlana bilməyib. Onun vuruşunu rəqib qapıçı Mustafa Şubir qaytarıb.

Qeyd edək ki, Argentina 1/4 finalda İsveçrə - Kolumbiya cütünün qalibi ilə üz-üzə gələcək.

21:58

Futbol üzrə dünya çempionatının Argentina - Misir oyununda beşinci qol vurulub.

"Report"un məlumatına görə, Atlanta stadionunda keçirilən 1/8 final mərhələsinin matçında Cənubi Amerika təmsilçisi hesabda irəli çıxıb - 3:2.

90+3-cü dəqiqədə Enzo Fernandes fərqlənib.

21:50

Futbol üzrə dünya çempionatının Argentina - Misir oyununda dördüncü qol vurulub.

"Report"un məlumatına görə, Atlanta stadionunda keçirilən 1/8 final mərhələsinin matçında Cənubi Amerika təmsilçisi hesabı bərabərləşdirib - 2:2.

83-cü dəqiqədə Lionel Messi fərqlənib.

21:45

Futbol üzrə dünya çempionatının Argentina - Misir oyununda üçüncü qol vurulub.

"Report"un məlumatına görə, Atlanta stadionunda keçirilən 1/8 final mərhələsinin matçında Cənubi Amerika təmsilçisi hesab arasındakı fərqi azaldıb - 1:2.

79-cu dəqiqədə Kristian Romero Messinin ötürməsini qola çevirib.

21:34

Futbol üzrə dünya çempionatının Argentina - Misir oyununda ikinci qol vurulub.

"Report"un məlumatına görə, Atlanta stadionunda keçirilən 1/8 final mərhələsinin matçında Afrika təmsilçisi hesabdakı üstünlüyünü möhkəmləndirib - 2:0.

67-ci dəqiqədə Mustafa Ziko rəqib komandanı oyuna mərkəzdən başlamağa məcbur edib.

21:10

Futbol üzrə dünya çempionatının Argentina - Misir oyununda ikinci hissə başlayıb.

"Report"un məlumatına görə, Atlanta stadionunda keçirilən 1/8 final mərhələsinin matçında Afrika təmsilçisi hesabda irəlidədir - 1:0.

15-ci dəqiqədə Yasser İbrahim başla "çərçivə"ni dəqiq nişan alıb.

Qarşılaşmanın 21-ci dəqiqəsində Argentina yığmasının kapitanı Lionel Messi penalti zərbəsindən yararlana bilməyib. Onun vuruşunu rəqib qapıçı Mustafa Şubir qaytarıb.

20:53

Futbol üzrə dünya çempionatının Argentina - Misir oyununda ilk hissə bitib.

"Report"un məlumatına görə, Atlanta stadionunda keçirilən 1/8 final mərhələsinin matçında Afrika təmsilçisi hesabda irəlidədir - 1:0.

15-ci dəqiqədə Yasser İbrahim başla "çərçivə"ni dəqiq nişan alıb.

Qarşılaşmanın 21-ci dəqiqəsində Argentina yığmasının kapitanı Lionel Messi penalti zərbəsindən yararlana bilməyib. Onun vuruşunu rəqib qapıçı Mustafa Şubir qaytarıb.

20:19

Futbol üzrə dünya çempionatının Argentina - Misir oyununda ilk qol vurulub.

"Report"un məlumatına görə, Atlanta stadionunda keçirilən 1/8 final mərhələsinin matçında Afrika təmsilçisi hesabı açıb - 1:0.

15-ci dəqiqədə Yasser İbrahim başla "çərçivə"ni dəqiq nişan alıb.

20:00

Futbol üzrə dünya çempionatının Argentina - Misir oyunu başlayıb.

"Report"un məlumatına görə, 1/8 final mərhələsinin matçı Atlanta stadionunda keçirilir.

Qarşılaşmanı fransalı FIFA referisi Fransua Leteksye idarə edir.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

WUF13-ün beşinci günündən maraqlı anlar - FOTOREPORTAJ

DÇ-2026: İngiltərə Konqo üzərində əzmkar qələbə qazanaraq 1/8 finala adlayıb - YENİLƏNİB-6

DÇ-2026: Argentina Misirlə matçda hesabda geridədir - YENİLƏNİR-3

"Sabah" Azərbaycan Kubokunun 2025/2026 mövsümünün qalibi olub - YENİLƏNİB-6