Azərbaycan Güləş Federasiyasının (AGF) vitse-prezidenti Namiq Abdullayev Bakıda keçiriləcək U-17 dünya çempionatında idmançılar üçün lazımi şəraitin yaradıldığını söyləyib.

"Report"un məlumatına görə, qurum rəsmisi bu barədə komandaların açıq məşqçində danışıb.

Olimpiya çempionu güləşçilərə uğurlar arzulayıb:

"Azərbaycan Güləş Federasiyası idmançılar üçün lazımi şərait yaradıb. Tələbələrimin tələbələrinin çempion olmasını istəyirəm. Güləşçilərimiz əzmkarlıq göstərəcəklər. Doğma arenada da bayrağımız dalğalanacaq, himnimiz səslənəcək. Bu yarış güləşçilərimiz üçün bir şansdır. Qələbələri bol olsun. İnanıram ki, idmançılarımız xalqımızı sevindirəcəklər. Azərbaycan Güləş Federasiyasına göstərdiyi diqqət və qayğıya görə minnətdaram. Milli Olimpiya Komitəsi, Gənclər və İmdan Nazirliyinə də təşəkkür edirəm".

Xatırladaq ki, dünya çempionatı 27 iyul – 2 avqust aralığında Milli Gimnastika Arenasında təşkil olunacaq.

Dünya Güləş Birliyi (UWW) tərəfindən təsdiqlənmiş yekun iştirakçı siyahısına əsasən, mötəbər yarışda 663 idmançı, 272 məşqçi, 64 beynəlxalq hakim iş başında olacaq. Ümumilikdə 1100-dən artıq qonaq dünya çempionatı ilə bağlı Azərbaycana təşrif buyuracaq.

Oxşar xəbərlər

Mehriban Əliyeva növbəti beş il müddətinə Azərbaycan Gimnastika Federasiyasının prezidenti seçilib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan gimnastları "AGF Trophy" beynəlxalq turnirini 17 medalla başa vurublar

Azərbaycan gimnastları "AGF Trophy" beynəlxalq turnirini 16 medalla başa vurublar