Bu ilin I yarısında Azərbaycanın qiymətli kağızlar bazarında 25 milyard 19 milyon manatlıq əməliyyat aparılıb.

"Far.Az" Azərbaycan Mərkəzi Bankına istinadən xəbər verir ki, bu, ötən ilin eyni dövrünə nisbətən 32,1 % azdır.

Yarım illik göstəricinin 2 milyard 516,3 milyon manatlıq hissəsi ilkin bazarda (18,1 % az), 22 milyard 502,7 milyon manatlıq hissəsi isə təkrar bazarda (33,4 % az) formalaşıb.

Hesabat dövründə qiymətli kağızlar bazarında 36 177 əqd bağlanılıb. Bu, illik müqayisədə 2,3 dəfə çoxdur. Əqdlərin 23 486-sı ilkin bazarın (15,7 dəfə çox), 12 691-i isə təkrar bazarın (12 % az) payına düşüb.

Yanvar-iyun aylarında Azərbaycanın qiymətli kağızlar bazarında aparılmış əməliyyatların 1 517,7 milyon manatlıq hissəsi və yaxud 6,1 %-i dövlət qiymətli kağızlarının, 1 milyard 935,3 milyon manatlıq hissəsi və yaxud 7,7 %-i korporativ qiymətli kağızların, 21 milyard 566 milyon manatlıq hissəsi və yaxud 86,2 %-i isə repo əməliyyatlarının payına düşüb. Bunlar, 1 il əvvələ nisbətən müvafiq olaraq 2,7 dəfə az, 23,7 % çox və 30,9 % azdır.

6 ayda bu bazarda bağlanmış əqdlərin isə 334-ü və yaxud 0,9 %-i dövlət qiymətli kağızlarının, 32 815-i və yaxud 90,7 %-i korporativ qiymətli kağızların, 3 028-i və yaxud 8,4 %-i isə repo əməliyyatlarının payına düşüb. Bu isə illik müqayisədə müvafiq olaraq 44,4 % az, 2,7 dəfə çox və 0,3 % çoxdur.

Oxşar xəbərlər

Ət əvəzinə hamı balıq alır - Bazarda SON QİYMƏTLƏR

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Azərbaycanın qiymətli kağızlar bazarı 11 % kiçilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

"Sədərək" ticarət mərkəzindəki yanğın tam söndürülüb