İranda İsrailin "Mossad" kəşfiyyat xidməti ilə əməkdaşlıqda və İsraillə son münaqişə zamanı məxfi məlumatları ötürməkdə ittiham olunan iki nəfər edam edilib.

"Far.Az" "Ynet"ə istinadən xəbər verir ki, bu barədə "Fars" informasiya agentliyi məlumat yayıb.

Agentliyin məlumatına görə, edam edilən Omid Behzad və Puriya Safut İranın hərbi qulluqçuları, polis əməkdaşları və təhlükəsizlik obyektləri barədə koordinatları, fotoşəkilləri və məlumatları İsrailin "Mossad" kəşfiyyat xidmətinə ötürməkdə təqsirli biliniblər.

Məhkəmə prosesi başa çatdıqdan sonra ölüm hökmləri icra edilib.

Qeyd olunub ki, onlar İsrail kəşfiyyatının yerüstü agentləri kimi fəaliyyət göstəriblər və irimiqyaslı kəşfiyyat əməliyyatının bir hissəsi olan tapşırıqları yerinə yetiriblər.

Xüsusən də, istintaq iddia edir ki, O.Behzad obyektlərin yerləşdiyi yeri müəyyən edib və onların koordinatlarını "Mossad"la əlaqəli kanallar vasitəsilə ötürüb. P.Safut isə hərbi və təhlükəsizlik obyektləri haqqında məlumatları xarici peyk teleşəbəkəsi vasitəsilə ötürüb.

Oxşar xəbərlər

"Omid"in bir mağazasının fəaliyyəti qismən MƏHDUDLAŞDIRILIB

Azərbaycanın pilotları çətin döyüş manevrləri üzrə tapşırıqlar yerinə yetiriblər

DİN-in hərbi qulluqçuları və polis əməkdaşları Zəfər parkını ziyarət ediblər

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3